網上瘋傳廁格「激戰」片 《喜愛夜蒲》宣傳？

錢國偉執新導新片《喜愛夜蒲3》依家日夜趕拍中，希望可以達標於今年聖誕檔上映，不過部戲未拍完，已經係咁俾人抽水——好似露暈女AD2咁，狂抽無極限，而且仲越抽越得戚，反咬《夜蒲3》借露暈女做宣傳。咁都得，講嘢都幾似啲高官喎。

最幾日《夜蒲3》官方微博就出咗則聲明，寫道:「於近日發現很多不知名人事冒充喜愛夜蒲演員及自稱主演，在內地利用本片片名宣傳登台演出，誤導欺騙內地粉 絲。(略)我們現在嚴証(正)聲明，所有假冒夜蒲演員之人士及經理人公司、酒吧等，立即停止欺騙及以上侵權行為，否則我們將保留採取法律追究權利。」唔知 露暈女會否因為咁而收歛呢？

呢頭講嚴禁老翻，但噚日網上流傳一條喜愛夜蒲嘅片……冇書名號0架。條片噚日已經流傳緊，片中一男一女疑似於洗手間內進行「互動」。由於女子向前趴，睇唔 到樣，身後的男子則露股。條片嘅caption就話片中男女身處於老蘭某夜場洗手間內，又質疑行上兩步已經係酒店啦，點解咁心急呢。

但係拍片嗰個咁樣舉高部手機偷拍一樣咁衰，而且亦有蒲友話司空見慣，更有網民質疑:「係咪《夜蒲3》宣傳片嚟0架？」係喎，之前《夜蒲》系列都有戲份係喺夜場洗手間激戰嘅，不過呢條網民點睇都唔係《夜蒲3》宣傳片囉。