0依家啲男仔，個個變晒「賤輝」，最鍾意操肌晒人魚線。凸腩杜汶澤可以練出人魚線，就連張繼聰都話得，但估唔到就連陳柏宇都可以練成腹肌，家陣，猛男印花應該係只欠阿Bob林盛斌同洪卓立兩個，加埋就完美喇。
之前杜汶澤已於fb share操肌之法，包括:
1.一日五至六餐，忘記以往午餐晚餐的觀念
2.記住吃，是為了吸取能量和營養以維持生命，而並非為了享受。
3.早上可吸收澱粉質如麥片或麥包
4.一星期可以有一天休息，並非大吃大喝，而是吃一些相對美味的食物。
5.和油糖說再見
6.只用蒸、煮、烤來烹調食物。
7.豬羊鴨鵝少吃為妙
8.別相信減肥產品，相信自己的意志。
9.沒有跑步。每天急步行一小時，中途加插五分鐘快跑。
今日有報道都訪問咗陳柏宇，問其操弗之道，陳柏宇話佢只係用咗兩個星期就可以變成咁。佢話當時係加碼做gym，0依家每周操4至5日，每次3至4個鐘。
陳柏宇話，做gym可以令肌肉結實，但操出線條，就要靠餐單配合。佢嘅方法，係咁的:
1.戒汽水、咖啡、奶茶
2.戒油
3.每日只係烚菜
4.可食肉，但要先起皮
5.煮肉時只可以落一茶匙油
咁當然，能夠於短短兩周內變成咁，背後女人嘅支持亦是非常重要——就係拍拖兩年嘅0靚模女友Leanne符曉薇。事關陳柏宇嘅冇味餐，全由女友一手包辦。因為Leanne食唔慣咁寡，所以每次煮完俾男友食之後，佢自己就會出街食0架喇。
另外，為新戲《豪情2》積極操肌嘅杜汶澤，喺facebook貼咗張造型照。由於阿澤喺新戲演AV男，所以佢不停節食喼弗，相中阿澤着住透視裝，再加條白 色三角底褲側身相，擺晒健美先生甫士，狂谷老鼠仔同胸肌，身形果然弗爆喎，而佢呢身造型亦似足AV男，難怪網民留言激讚，甚至鬧着玩叫佢真係做埋AV男 優，無謂嘥咗肌爆身材喎﹗
沒有留言:
張貼留言