Rosanne貼餵母乳照 sweet爆

今日準媽咪陳茵媺同諸葛紫岐先後出席活動，而上月底誕下7.8磅囝囝Marco嘅前港姐冠軍曹敏莉（Mandy），0依家坐緊月，今午佢喺微博貼新相，見 佢抱住囝囝個樣，Marco仲笑笑口咁喎，難怪Mandy心到甜晒，一臉幸福，佢話：「照顧Marco BB，每晚只需四小時...還要分開來睡的。但見他這個表情，甚麼疲倦都消失了。」

至於另一靚媽﹑前女子組合2R成員黃婉君（Rosanne），於六月中剖腹誕下第二個B仔，不經不覺次子已經三個幾月大。噚晚Rosanne喺微博貼咗兩 張相，其中一張係佢餵哺母乳相，Rosanne用紗巾遮住上圍，餵次子食母乳，Rosanne話：「109天我還在努力的喂（餵）母乳，各位喂（餵）母乳 的媽媽再接再厲！」

至於靚仔爹哋林志穎，就喺微博貼咗三張同囝囝小小志出發去長沙照片，相中小小志好鬼可愛，同爹哋鬥擺萌爆甫士。