Jessica C.倒奶畫聖誕咭 胸贏Ana R

「警鐘模」Jessica C.（JC）今日同Ana R.到尖沙嘴出席聖誕活動，雖然天氣轉涼，但兩位女模仍然搏盡，當中身穿橙色連身裙嘅JC，畫聖誕咭時俯身倒奶，搶盡「峰」頭。

JC啱啱喺台灣拍完喪屍片返港，佢話由於新戲大部份時間都喺夜晚拍攝，所以搞到佢有時差。

問到聖誕節會唔會喺香港度過？JC就表示12月23號前都會喺香港，因為佢要演出舞台劇，完成後就返美國陪伴家人。

另外，快將舉行婚禮嘅Ana表示，因籌備婚禮壓力令佢消瘦不少，Ana R.指希望婚期保密，但就透露完成婚禮後，會立即出發度蜜月。