黃翠如自嘲「運動煞星

無綫小花黃翠如以運動大使身份出席活動，她自嘲運動細胞欠奉：「游水如果掂到地都OK，但過頭就唔得，因為試過浸親！五、六歲時畀人拋落成人池，有好大陰 影！（會上游泳班？）其實讀書嗰陣有學游水，但完全冇天分，惟有着住救生衣喺身。」她又自爆連串瘀事，表示曾試過踩單車時360度翻車；打壁球打傷 Partner，令對方手部韌帶撕裂，堪稱「運動煞星」！問到會否與好拍檔洪永城做運動，她表示最近才得知對方是網球好手，但他似乎不想指教。